Қазақстанда 2024 жылы кинотеатрларға 23 миллионнан астам көрермен барған. Бұл туралы Ұлттық статистика бюросы мәлім етті, деп хабарлайды Ulysmedia.kz.
Өткен жылы елімізде 514 фильм түсірілген, бұл 2023 жылмен салыстырғанда 127-ге артық. Солардың 18%-ы – толықметражды фильмдер.
Түсірілген картиналардың құрылымы былайша бөлінеді:
– 175 көркем фильм,
– 215 деректі фильм,
– 83 анимациялық,
– 41 шежірелік (хроникалық) фильм.
Сонымен қатар, елдегі киностудиялар саны қысқарған – қазір олардың саны небәрі 80.
2024 жылы толықметражды фильмдерге жасалған кинотеатрларға бару көрсеткіші – 23 миллион. Бұл – алдыңғы жылмен салыстырғанда өсім бар деген сөз. Оның 53%-ы (12,2 млн) шетелдік фильмдерге тиесілі.
Қазақ фильмдерін көргендер – 43% немесе шамамен 9,9 млн көрермен.
Қазақстанда қазіргі таңда 113 кинотеатр бар. Ең көбі – Алматыда (22). Бұл қала 7,8 млн көрерменмен алда келеді. Одан кейін – Астана (11 кинотеатр, 4 млн көрермен) және Шымкент (7 кинотеатр, 1,9 млн көрермен).
Бұған дейін біз кинотеатрлардың қазақстандық фильмдерден қанша табыс тапқаны жайлы жазған едік.
