Тұрсын Алагөзов қандай бизнес түрлеріне иелік етеді

Forbes
Басылымның бағалауынша, 1990 жылдардың соңында салқын сусындар өндіретін ең ірі кәсіпорындардың бірін құрған 55 жастағы кәсіпкердің байлығы 130 миллион АҚШ долларын құрайды. Бұл тізімде ол – жаңадан енген адам, 61-орынға жайғасқан.

Telegram-дағы Shishkin_like арнасының дерегінше, ол бір жыл ішінде екі ірі сатып алуды жүзеге асырған – Шымкент сыра зауыты мен JFood Kazakhstan компаниясын.

"Galanz Bottlers" АҚ

Салық: 2015 жылдан бері – 29,4 млрд теңге. Дереккөз бұл компанияны Алагузовтың басты активі деп атайды. Кәсіпорын 1998 жылы құрылған. 2023 жылы Galanz Bottlers компаниясының кірісі 58 млрд теңгені құрады. Компанияның 4 өндірістік алаңы, алты құю желісі бар. Айына кәсіпорын барынша 26,8 млн литр сусын шығара алады, өнім тізімінде – 27 атау бар.

Айта кетейік, Тұрсынғали Алагузов бұл компанияның жалғыз құрылтайшысы емес, былтыр қарашадан бері меншік иелері қатарында кәсіпорын басшысы Ихтияр Заурбеков те бар.

Тізілімдерде сонымен қатар, жүк көлігі және теміржол тасымалы қызметімен айналысатын деп көрсетілген "Galanz Өндірістік компаниясы" ЖШС жайлы ақпарат бар. Бұл компанияның иесі де – Алагузов. 2015 жылдан бері компания мемлекеттік кіріс органдарына шамамен 13,7 млн теңге салық аударған.

"JFood Kazakhstan" ЖШС

Салық: 2015 жылдан бері – шамамен 8 млрд теңге.

Салалық бірлестіктерді есептемегенде, еншілес кәсіпорындардан бір жыл ішінде түскен төлемдер – 1,3 млрд теңгеден асады. Алагузов бұл компанияны биыл ақпанда Ғалымжан Есеновтен сатып алған.

Ол – ұн мен макарон өнімдерін өндірумен, көтерме және бөлшек сауда, дистрибуция, астықты сақтау мен қоймалау, сондай-ақ меншікті жылжымайтын мүлікті жалға беру және басқарумен айналысатын 5 еншілес ұйымы бар топтың құрамына кіреді.

Негізгі компания мен оның еншілес ұйымдары түрлі жылдары мемлекеттік сатып алу бойынша жалпы сомасы 182,2 млн теңгенің келісімшарттарын жасаған.

Айта кетейік, Алагузов бұл ЖШС-ті жеке өзі де, "Galanz Bottlers" АҚ арқылы да иеленіп отыр.

"Шымкент сыра зауыты" ЖШС

Салық: 2016 жылдан бері – 15,9 млрд теңге.

Алагөзов бұл активті 2023 жылғы мамырда өз меншігіне алған. 2021 жылдан 2024 жылға дейін зауыт Тимур Жанабаевқа тиесілі болған.

Еске салсақ, "Шымкент сыра зауыты" ЖШС – Тоқтар Төлешовке тиесілі болған "Шымкентпиво" ЖШС-нің құқықтық мұрагері.

Алагузов бұл келісімнің сомасын журналист әрі тележүргізуші Динара Сатжанға берген сұхбатында атаған. Оның айтуынша, 1976 жылы құрылған бұл сыра зауытына ол 8 млрд теңге төлеген. Кәсіпорынға құйылған инвестициялар көлемі – 40 млн АҚШ доллары (Forbes.kz).

"Феникс компани" ЖШС

Салық: 2015 жылдан бері – 6,7 млрд теңге.
Компания 2013 жылы тіркелген, азық-түлік, сусын және темекі өнімдерін көтерме саудалаумен айналысады. Алагөзов компанияны 2023 жылғы сәуірден бері иеленіп келеді.

"Adal Su" ЖШС

Салық: 2015 жылдан бері – 128 млн теңге. Құжаттар бойынша, 2022 жылдан бастап компания Алматы қаласының "Алтай-2" ықшамауданында өз жылжымайтын мүлкін жалға беру және басқару қызметімен айналысады (бұл "Galanz Bottlers" АҚ-ға тиесілі ғимараттардың бірі болуы мүмкін).

Бұл кәсіпорындағы Алагөзовтің серіктесі – кәсіпкер Тілеуқабыл Абдулин.

Өзге компаниялары

"Chemolgan Food Station" ЖШС

Қазір баспа өндірісінің кейбір түрлерімен айналысады, бұған дейін – жылжымайтын мүлікті жалға беру және басқару саласында болған. Қазіргі таңда Алагузов – жалғыз құрылтайшы. 2010-2014 жылдары оның серіктесі ретінде Тлеукабыл Абдулин көрсетілген.

Компанияның соңғы 10 жылдағы салық төлемі өте тұрақсыз болған. Негізгі төлемдер 2024-2025 жылдары жасалған. 2015 жылдан бері барлығы 246,6 млн теңге салық төлеген.

"Арбаша" ЖШС

Жүк тасымалымен айналысады. Тұрсынғали Алагузов 2023 жылғы желтоқсаннан бастап компания құрылтайшысы саналады. Бұған дейін меншік иелері қатарында оның бауыры Асқар Алагөзов та болған.

Бұл компания да салықтың негізгі бөлігін 2024-2025 жылдары аударған (шамамен 3 млрд теңге). 2015 жылдан бері жалпы көлемі – 4,4 млрд теңге.

"Mercury.kz" ЖШС

Көтерме сауданың кең спектрімен айналысады. Бұл компанияны Тұрсынғали мен Баян Алагузовтар 2023 жылғы тамыздан бастап бірлесіп иеленіп келеді. Бұрынғы құрылтайшылары – Светлана және Жания Дәулетәлі. Салық: 2018 жылдан бері – 57,3 млн теңге.

"Северное сияние ЛТД" ЖШС

Adata.kz реестрінің мәліметінше, тұрмыстық тоңазытқыштар мен мұздатқыштар өндірісімен айналысады және дүкеннен тыс бөлшек саудамен шұғылданады.

Қазіргі кезде Алагөзов – жалғыз құрылтайшы. Бұған дейін, сәуір айына дейін, меншік иелері қатарында кәсіпорынның бұрынғы директоры Николай Ким де болған.

Салық: 2015 жылдан бері – 162,7 млн теңге. 2018-2022 жылдары төлем жасалмаған.