Энергетика министрлігі Қазақстандағы бензин жағдайына қатысты түсініктеме берді,деп хабарлайды Ulysmedia.kz.
ТОЛЫҒЫРАҚ
Энергетика министрлігі Өзбекстанның қазақстандық бензин сатып алып жатқаны жөніндегі ақпаратты жоққа шығарды. Қазіргі уақытта Қазақстаннан бензин экспортына тыйым салынған және заңсыз әкетудің алдын алу жоспары жүзеге асырылуда. Бұған дейін, сәуір және мамыр айларында, қоймаларды оңтайландыру үшін АИ-92 бензинінің артығы экспортталған болатын. Маусым айынан бастап стратегиялық қор жинау мақсатында экспорт толық тоқтатылды. Ведомствоның пікірінше, экспортқа тыйым салу және мемлекеттік реттеуді алып тастау нарықты тұрақтандырып, отын қорының көбеюіне мүмкіндік берді.
- Министрлік мемлекеттік реттеуді алып тастау мен экспортқа тыйым енгізу ішкі нарықты тұрақтандыруға және жанармай қорын едәуір арттыруға жағдай жасағанын атап өтті. Мәселен, жаздың басына қарай АИ-92 бензині қоры шамамен 70%-ға, дизель отыны қоры 78%-ға артқан. Бүгінгі таңда мұнай өнімдері нарығындағы жағдай тұрақты. Ішкі нарық толық көлемде қамтамасыз етіліп отыр.
КОНТЕКСТ
Бұған дейін энергетика министрлігі елдегі жанармай тапшылығымен күресу үшін шағын мұнай өңдеу зауыттарын іске қосуды жоспарлап отырғаны белгілі болған еді.
