Шешен Республикасында екі қазақстандық ұсталды - олар не істеп жүр

Шешен Республикасы ІІМ «Іздеу» операциясының нәтижелері туралы хабарлады. Осы күндері ұсталған 37 адамның арасында Қазақстанның сұранысы бойынша қолға түскен екі азамат бар.

15-16 қазан аралығында Шешен Республикасы аумағында ІІМ-нің жедел-іздестіру басқармасы (ЖІБ) «Іздеу» атты федералдық жедел-алдын алу шарасының екінші кезеңін ұйымдастырып, өткізді. Операция барысында ЖІБ қызметкерлері іздеуде жүрген және хабар-ошарсыз кеткен 37 адамды анықтап, ұстады. Олардың ішінде:

• 16 адам — Шешен Республикасы ІІМ-нің сұранысы бойынша
• 11 адам — Ресей Федерациясының басқа субъектілерінің сұранысы бойынша
• 3 адам — Ресейдің Федералдық жазаны орындау қызметінің сұранысы бойынша
• 2 адам — Қазақстан Республикасы ІІМ-нің сұранысы бойынша

Сонымен қатар, бұрын хабар-ошарсыз кеткен деп есептелген 5 азамат анықталды, делінген ресми хабарламада.

Операцияның басқа егжей-тегжейлері нақтыланбаған.

БҰҒАН ДЕЙІН

Санкт-Петербургте қазақстандық азаматтың ұсталғаны туралы хабарланған еді. Ол жергілікті радиостанция ғимаратына баса-көктеп кіріп, эфирге шығуға тырысқан.