Болат Назарбаевтың «Салиқалы Ұрпақ» қайырымдылық қоры «Қазақстан халқына» қорына 1 миллиард теңге аударды, деп хабарлайды қор сайты.
«Қор басшысы мен ұжым атынан қаңтар оқиғасы кезінде қаза тапқандардың отбасына шын жүректен қайғырып, көңіл айтамыз. Ел үшін осындай қиын шақта біз Мемлекет басшысының маңына топтасып, Қазақстан халқына көмектесуге тиіспіз», – дейді қор директоры Қасым Қасабеков.
Еске сала кетсек, қор 2016 жылы құрылып, әртүрлі салада 1 миллиардқа жуық теңге көлемінде қайырымдылық істер жасаған.
