Степногорск қаласында полиция қызметкерлері өрт сөндірушілердің көмегімен үй ішінде қамалып қалған кішкентай балаларды құтқарып қалды, деп хабарлайды ulysmedia.kz.
28 қыркүйек күні Степногорск қаласының өрт сөндіруші-құтқарушыларына Степногорск қаласы, 9 шағынауданындағы мекенжайы бойынша пәтерге кіру үшін полиция қызметкерлеріне көмек қажет екендігі туралы телефон хабарламасы келіп түскен.
5 қабатты үйдің 2-қабатында кішкентай балалар есіктің ішінен жабылып қалған. 3-МӨСБ кезекші ауысымы жағдайды бағалап, полиция қызметкерлерінің қатысуымен үш иінді баспалдақтың көмегімен балкон арқылы пәтерге кіріп, балаларды құтқарды.
«Ағасы мен қарындасы екі-үш жаста болса да, бізден қорықпағаны қуантады. Ата-аналарға балаларына өрт сөндірушілер туралы бұрын айтқандары үшін рахмет, өйткені олар бізді көріп, жыламады. Ата-аналардан балаларын жалғыз қалдырмауларыңызды сұраймыз. Бұл жолы барлығы сәтті аяқталды, бірақ көбінесе балалар жалғыз қалғанда сіріңкемен ойнайды. Мұндай кезде қайғылы жағдай орын алуы мүмкін», - дейді Степногорск қаласының 3-МӨСБ аға инженері Руслан Ахетов.
