×
476.89
462.2
8.31
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.89
462.2
8.31

Отанын қорғауға келген сарбаз он күнің ішінде қайтыс болды

23.04.2022, 13:24

Жамбыл облысындағы 30212 әскери бөлімде мерзімді әскери қызметке шақырылған Әлібек Қалбай қайтыс болды. Бұл туралы жергілікті блогер Бибігүл Рамазан әлеуметтік желіге жазды, деп хабарлайды Ulysmedia.kz.

Қатыс болған сарбаздың жеңгесі мен анасы Бибігүл Рамазанға хабарласып, ұлын біреулер әбден сабап өлтіргенін айтып көмек сұраған.

"Оны бастан бірнеше рет ұрған. Іздері қалды. Әскерде балаларымыздың өлімі тыйылмай жатыр, оларды ұрады. Бүкіл Қазақстан осыны білуі керек. Әлібек әскерге барғысы келмеген. Бірақ оны жұмысқа дейін іздеп барып, ірі көлемде айыппұл саламыз деп қорқытқан..." – деді марқұмның туысы Динара Тілесова InAktau порталына берген сұхбатында.

Осымен биыл Жамбыл облысында екінші сарбаз қайтыс болып отыр. 2 наурызда қатардағы жауынгер Ұлықбек Бердішов із-түзсіз жоғалған болатын.

10 сәуірде оның денесі Қырғызстан жерінде табылды. Ол әскери борышын "Аңдас батыр" шекара бөлімінде өтеп жүрген.