×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

«Санын реттейміз»: Қазақстанда 80 мың бас киікті ататын болды

29.06.2022, 11:31
Фото: Ашық дереккөзден

Бұл туралы Экология, геология және табиғи ресурстар министрі Серікқали Брекешов мәлім етті, деп хабарлайды Ulysmedia.kz

Мәжілістің бүгінгі кулуарында Серікқали Брекешовке киіктерді ату-атпау мәселесі туралы сұрақ қойылған. Бұған дейін министр бұл сұраққа “айдың аяғында белгілі болады” деп жауап беріп келген болатын.

«Тың жаңалық бар. Бионегіздеме аяқталды. Ғалымдар киіктердің санын реттеу мәселесін айтып жатыр. Бұл – Орал популяциясы. Қазір ондағы киіктер саны 800 мың бас болса, онда олардың 10 пайызы реттеледі. Бұл – 80 мың бас киік», - деді ол.

“Яғни 80 мың киікті атып, саны реттеле ме?” деген сұраққа министр “иә” деді.

«Сіз экология министрісіз ғой. Киіктерді атса жаныңыз ашымай ма?» деген сұраққа министр былай деді.

«Киіктердің саны реттеліп отырады. Реттеу деген сөз түсінікті. Киік санының нормасы бар ғой. Ауыл шаруашылығындағы малмен бәсеке болмас үшін реттеудің маңызы бар. Батыс Қазақстанда мал жайылатын орыннан бөлек егінге де түсіп кетіп жатыр. Бұл да – біржақты мәселе», - деді Брекешов.

Экология министрі алдымен ғылыми зерттеу жүргізу үшін 500 бас киік алынатынын мәлім етті. Айтуынша, ол 1 қазаннан басталады.