Ауа жетіспеушілігінен лайнер бортындағы 12 адам зардап шекті, деп хабарлайды Ulysmedia.kz Әскери-әуе күштеріне сілтеме жасап.
Asiana Airlines ұшағы Оңтүстік Кореяның Тэгу қаласындағы әуежайға қонып жатқанда есігі ашылып кетті. Ұшақтың жолаушысы кейінірек түсіндіргендей, ол абайсызда есікті ашып жіберген.
Бортта 190-нан астам адам болған. Ұшақ аман-есен қонды, бірақ 12 жолаушы ауа жетіспегендіктен есінен танып қалды, оның 9-ы жақын маңдағы ауруханаға жеткізілді.
Лайнер бортында төтенше жағдайға себепкер болған жолаушы қамауға алынды. Полиция тергеуді бастады.
Бұған дейін Түркістан-Стамбул рейсіндегі ұшаққа найзағай түсіп, ұшу уақыты кейінге шегерілгенін хабарлаған едік.
