Бұл нұсқаны бүгінгі брифинг барысында Қазақстанның Сыртқы істер министрлігінің ресми өкілі Айбек Смадияров айтты, деп хабарлайды Ulysmedia.kz.
«Қазақстан азаматы қайтыс болды, жүрегі тоқтап қалды. Әрине, жаз организм болғандықтан үміт болды (тірі қалар деген – авт.) Тай дәрігерлері сөйлестік. Осыдан екі күн бұрын әке-шешесі Пхукетке ұшып барды. Олар консулдың жанында», - деді ол.
Айбек Смадияровтың айтуынша, 1 маусым күні ауруханадан қоңырау түскен.
«Оның ауыр халде екенін, жан сақтау бөліміне түсті деген хабар келді. Айтарым бір ғана – егер жергілікті билік суға түспеу туралы хабарлама берсе, сол ережелерді сақтау қажет. 3 маусым күні жағажайда Қазақстанның тағы бір азаматы суға батып кетті. оны құтқарып үлгермеген. Оның екеуінің де денесі Қазақстанға жеткізіледі. Құжаттар рәсімделеді», - деді ол.
Айбек Смадияровтың айтуынша, «расталмаған ақпаратқа сәйкес, кеше қайтыс болған жігіт қызын құтқару үшін суға түскен».
«Бірақ оның қасында ешкім болған жоқ. Нақты солай болған деп айта алмаймыз. Сондай ақпарат тарап жатыр», - дейді ол.
Айта кетейік, бұдан бұрын қазақ әйелі ағасы Артур Ысқақовтың Тайландта демалу кезінде апатқа ұшырағанын, қазір оның медициналық комаға түскенін айтып, оны елге жеткізуді өтінген.
Көп ұзамай оның қайтыс болғаны хабарланды.
