Бұл туралы Ақорда мәлім етті, деп хабарлайды Ulysmedia.kz.
“Мемлекет басшысының Жарлығымен Алтай Сейдірұлы Көлгінов Қазақстан Республикасы премьер-министрінің орынбасары лауазымынан босатылды”, – делінген хабарламада.
Айта кетейік, Көлгінов бұл қызметті 2022 жылдың желтоқсанынан бері атқарды.
Бұдан бұрын ол Астана әкімі болып тұрғандағы қызметіне қатысты айтылған сынға шамырқанып, журналистерге шүйліккен еді.
"Сіз мемлекеттік қызметшіні қоғам алдында айыптап тұрсыз. Бұл үшін жауап бересіз. Мемлекеттік қызметшілерге қатысты осындай шабуылдар бар. Бұл тапсырысмен жасалған. Мен әкім ретінде адал жұмыс істедім", – деді Көлгінов.
