Жаңаөзен-Кендірлі тас жолында Toyota Camry және Renault Duster көліктерінің бетпе-бет соқтығысуы салдарынан екі отбасының 9 адамы көз жұмды, деп хабарлайды Ulysmedia.kz.
Жантүршігерлік жол апаты туралы блогер Азамат Сәрсенбаев Instagram парақшасында хабарлады.
16 маусым күні жергілікті уақыт бойынша сағат 20:00 шамасында Жаңаөзен-Кендірлі тас жолында көптеген адам зардап шеккен ірі жол-көлік оқиғасы болды.
«Әдеттегідей олар бір жаққа асығады немесе одан да сорақысы мас күйінде көлік жүргізеді», - деп жазады Азамат Сәрсенбаев.
Оқиға орнынан түсірілген кадрлар желіде тарап жатыр.
