Олигарх әрі Freedom Holding Corp негізін қалаушы Тимур Турлов жаңа 5G ұялы байланыс операторын құруға ниетті екенін мәлімдеді, деп хабарлайды Ulysmedia.kz.
«Қазіргі уақытта мен коммуникациялар нарығына қатты қызығып жүрмін және телекоммуникация біздің экожүйенің жаңа өзегіне айналуы әбден мүмкін, бұл бізге шешімдердің тиімділігі мен жылдамдығы туралы идеяны өзгертуге мүмкіндік береді. Сонымен қатар оны қабылдау қателерді азайтуға, өнімнің қолжетімділігі мен өмір сүру сапасына әсер етеді», - деді ол.
Турлов «Қазақстанға үздік әлемдік тәжірибені» енгізуді жоспарлап отырғанына сендірді.
«Біз алдымызға бірнеше жыл ішінде мүлдем жаңа 5G ұялы байланыс операторын құру міндетін қойдық. Біз еліміздегі ең маңызды мәселелердің бірін өз мойнымызға алуға тырысуды жөн көрдік. Біз Интернеттің бүкіл елде қолжетімді болуын қалаймыз. Ал ол үшін өте арзан құрылысты бастау керек. Сонда бізде болашақтың медицинасы, болашақтың білімі, қауіпсіздік болады», - деп есептейді Тимур Турлов.
Тимур Турлов – АҚШ-та тіркелген және Қазақстанда «Freedom Finance Bank Kazakhstan» АҚ (бұрынғы Kassa Nova Bank) сақтандыру компаниясының жалғыз қатысушысы болып табылатын «Freedom Finance» АҚ арқылы Қазақстанда жұмыс істейтін Freedom Holding Corp. инвестициялық тобының негізін қалаушы және акционері.
Ол Forbes журналының «Қазақстанның ең ықпалды 50 бизнесмені - 2022» тізімінде 8-ші орынды иеленді. Соңғы мәліметтер бойынша оның байлығы 3,5 миллиард долларды құрайды.
2022 жылдың жазында Турлов Қазақстан азаматтығын алды. Ол соңғы 10 жылдан бері біздің елде тұрады.
