Шымкент қаласының Мемлекеттік кірістер департаменті салық төлеушілерді «Сергек» камералары мен «Қорғау» бағдарламасының көмегімен іздейді. Егер олар салық төлеуден бас тартса, көліктері айыппұл тұрағына қойылады, деп хабарлайды Ulysmedia.kz.
Otyrar.kz мәліметінше, қазірдің өзінде айыппұл тұрағына 85 көлік жіберілген. Мәселен, бір басында алты көлігі бар тұрғын бірнеше жыл ішінде салық төлемегені үшін мемлекетке бес миллион теңгеден астам қарыз болған.
«Бүгінгі таңда көлік салығы бойынша борышкерлердің саны 36 мыңнан асады, онда олардың берешек сомасы 1 миллиард 495 миллион теңгені құрайды. Мұндай бұзушылықтар анықталған кезде бұл автокөлік тоқтатылады, сот орындаушылары келеді, мемлекеттік кіріс органдарының қызметкерлері бұдан әрі түсіндіру жұмыстарын жүргізеді, егер ол көлік салығын сол жерде төлесе, онда оның көлігі айыппұл тұрағына жіберілмейді»,- деді Шымкент қаласы МКД бас маманы Аббасхан Сейдахметов.
Салықтан жалтарғандардың автокөліктердің айыппұл тұрағына жіберу жалғасады. Сарапшылар бұл шара өте тиімді деп санайды. Көбінесе жүргізушілер істі айыппұл тұрағына жеткізбеуге тырысады.
Айта кетейік, бұған дейін Алматы қаласының 105 мың тұрғыны жалпы сомасы 1,5 млрд теңгеден астам көлік салығын төлемегені хабарланған.
