Алматы облысы полиция департаменті бастығының орынбасары Рүстем Әбдірахманов ойын-сауық орталығында қыз баланы бір тепкен түркиялық азаматтың қамауға алынғанын хабарлады, деп жазады Ulysmedia.kz.
Тиісті қаулыны 25 шілдеде тергеу соты шығарған. Тергеу амалдары екі айға созылады. Шетел азаматы қамауда болады.
Әбдірахманов тергеу амалдары бұзақылық бабы бойынша жүргізіліп жатқанын мәлім етті.
Еске сала кетейік, әлеуметтік желілерде бұған дейін ер адамның 4 жасар қыз баланы тепкені жөнінде видео тараған еді. Тепкіден қыз бала ұшып түскен.
