Энергетика министрлігі АЭС салу мәселесі бойынша жария талқылаулар өткізу туралы мәлімет берді, деп хабарлайды Ulysmedia.kz.
«Мемлекет басшысының Қазақстанда атом энергетикасын дамыту мүмкіндігін зерделеу жөніндегі тапсырмасын орындау мақсатында реакторлық технологияларды таңдау бойынша бұрын жүргізілген зерттеулерді өзектендіру, атом электр станциясының қуаты мен құрылыс ауданын анықтау бойынша жұмыстар жүргізілді», - делінген хабарламада.
Жүргізілген зерттеулердің қорытындысы бойынша атом электр станциясы құрылысының ең қолайлы ауданы ретінде Алматы облысы Жамбыл ауданы Үлкен ауылының аумағы таңдалғаны атап өтілді.
Елдегі алғашқы атом электр станциясы үшін ұқсас станцияны салу және сәтті пайдалану тәжірибесінде тексерілген технологияны таңдау ұсынылады. Осыған байланысты ядролық технологиялардың мынадай әлеуетті жеткізушілерінен тұратын «шорт-тізім» жасалды:
“Зерттеу нәтижелері 2022 жылғы мамырда атом саласын дамыту жөніндегі ведомствоаралық комиссияның отырысында қаралды және мақұлданды. «Атом энергиясын пайдалану туралы» Қазақстан Республикасы Заңының 12-бабына сәйкес ядролық қондырғыларды салу және салу ауданы туралы шешімді аумағында қондырғы салу жоспарланып отырған жергілікті өкілді органдардың келісімімен Қазақстан Республикасының Үкіметі қабылдайды. Бұл ретте мәслихат жергілікті өкілді орган болып табылады. Осыған байланысты, 2022 жылғы қарашада Алматы облысы мәслихатының кезекті сессиясында аудан тұрғындарын қолдау шартымен құрылысқа келісім беру туралы шешім қабылданды.
Осыған байланысты Алматы облысының әкімдігі жария талқылаулар өткізуге бастамашылық жасады. Facebook парақшасында, сондай – ақ 2023 жылдың 21 шілдесінде-Ресми сайтта, Instagram-каналда және Жамбыл ауданы әкімдігінің Facebook парақшасында бұқаралық ақпарат құралдары арқылы, атап айтқанда Атамекен газетінде (№28) қатысуға шақырылған тиісті хабарландыру орналастырылды”, – деп мәлім етті ведомство.
Тыңдаудың мекен-жайы мен орны: Алматы облысы, Жамбыл ауданы, Үлкен ауылы орта мектебінің акт залы.
Тыңдауды өткізу күні мен уақыты: 2023 жылғы 22 тамыз сағат 11:00-де.
Айта кетсек,бұдан бұрын АЭС салу мәселесі референдумға шығарылмайтына хабарланған.
Жуырда Энергетика министрі Алмасадам Сәтқалиев АЭС құрылысының мерзімі жайлы айту ерте екенін мәлімдеген. Оның сөзінше, қазір еліміз технологияның төрт әлеуетті жеткізушісінің өтінімдерін қарастырып жатыр.
Ал "Самұрық-Қазына" төрағасы Нұрлан Жақыпов Қазақстанда атом электр станциясын салу үшін көп су мен ақша қажеттігін алға тартып, шешімді әбден таразылап барып қабылдау керегін айтқан.
