Павлодарда пара алды деген айыппен қалалық әкімдіктің шенеунігі сотталды, деп хабарлайды Ulysmedia.kz Pavlodarnews.kz сайтына сілтеме жасап.
Іс No2 сотта жеделдетілген сотқа дейінгі тергеу барысында қаралды.
Қала әкімдігінің жер қатынастары бөлімінің бас маманы 50 мың теңге көлемінде пара алды деп айыпталды. Бұл оқиға ағымдағы жылдың 9 тамызында Кривенко көшесіндегі «85» дүкенінің маңында болған.
Шенеунік жергілікті тұрғынға анасына салынған әкімшілік айыппұлды ескертуге ауыстыра алатынын, сондай-ақ алдағы уақытта осындай заң бұзушылықтар орын алған жағдайда қорғануға кепілдік беретінін айтқан.
Пара алғаны үшін заңның осы бабына сәйкес айыппұл немесе бас бостандығынан айыру көзделген.
Прокурор соттан параның 20 еселенген сомасы, яғни бір миллион теңге көлемінде айыппұл салуды сұрады.
Сот істің мән-жайын, кінәні мойындауын және басқа да факторларды ескере отырып, қадағалау органының жағына шықты. Шенеунік миллион теңге төлеумен қатар өмір бойына мемлекеттік қызмет атқару құқығынан да айырылды.
Айта кетейік, бұл үкім әлі заңды күшіне енген жоқ.
