Бұл туралы "Оператор РОП" ісі бойынша апелляциялық сот отырысы барысында белгілі болды, деп хабарлайды Ulysmedia.kz.
Ахметжан Пірімқұлов денсаулық жағдайы бойынша отырысқа қатысқан жоқ. Бұрынғы экология вице-министрі процестік келісім жасау туралы өтініш берді, бірақ сот бұл мәселені "кейінге қалдыру" туралы шешім қабылдады.
"Сотталған Пірімқұловтың процестік келісімі туралы мәлімдеуіне қатысты, құрметті сот, мұнда белгілі бір рәсім бар. Іс жүргізу келісімін жасау үшін үкімнің күшін жою қажет. Үкімнің күшін жою негіздері Қылмыстық іс жүргізу кодексінің 433-бабында көрсетілген. Менің ойымша, бұл өтініш мерзімінен бұрын беріліп отыр. Біз процеске енді кірістік, сондықтан мен қарсымын", - деді адвокат.
Прокурор процестік келісім жасасу үшін үкімнің күшін жою керек екенін, сондай-ақ істің қалған қатысушылары бұған келісім беруі керек екенін түсіндірді, сондықтан апелляциялық соттағы өтініш мерзімінен бұрын берілді деген байлам жасалды.
Айта кетейік, бұдан бұрын Қазақстан азаматтарының Ахметжанов Пірімқұловқа шығарылған әділетсіз үкімге қарсы петициясы жарияланған.
Шілдеде "Оператор РОП" ісі бойынша сот үкімі шыққан.
Атышулы істі тергеу өткен жылы басталған болатын. Экология вице-министрі Ахметжан Пірімқұлов, "Оператор РОП" ЖШС басқарма төрағасы Медет Құмарғалиев, бас директор Светлана Короткенко және қаржы директоры Рустем Темірбек қамауға алынды. Бұрынғы президенттің қызы белгісіз себептермен сотқа тартылған жоқ.
Оларға алты қоқыс шығаратын зауыт салу үшін жеке ұйымды заңсыз қаржыландыру арқылы кәдеге жарату алымдары түрінде жиналған 180 млрд теңгені ұрламақ болды деген айып тағылды.
Тергеушілер "ӨКМ операторының" қызметкерлері артық шығындарды инвестициялық саясат бағдарламасына негізсіз қосқан деп санайды. Оның ішінде, Әлия Назарбаеваның компаниясы осы зауыттарға жұмсауды жоспарлаған 180 млрд теңгенің тағдыры дәл сондай болған. Прокурордың пайымынша, "ӨКМ Операторының" инвестициялық жобаларын "өткізіп жіберген" Пірімқұлов қылмыс жасауға жол ашқан.
Сотталушылар ӨКМ Операторының" нағыз иесін – Әлия Назарбаеваны жазалауды сұраған. Алайда ол сотқа шақырылған жоқ.
Үкім заңды күшіне енгенге дейін сотталғандар әлі де өздерінің кінәсіздігін дәлелдеуге тырысып жатыр. Бұған дейін "Оператор РОП" компаниясының бұрынғы директоры Медет Құмарғалиев осы атышулы іс бойынша Ulysmedia.kz сұрақтарға жауап берген болатын.
