Қытайда өтіп жатқан Азия ойындарында қазақстандықтар байдарка мен каноэ есуден күміс медаль еншіледі, деп хабарлайды Ulysmedia.kz.
"Ханчжоуда (ҚХР) Азия ойындары-2022 аясында байдарка мен каноэ есуден ақтық сайыс жалғасуда. Қазақстан тағы екі медаль жеңіп алды. Тұғырдың екінші сатысына Мария Боровкова мен Руфина Искакова көтерілді. Олар ескек есуден финалда екінші болды (500 м). Қытай қанжығасында – бірінші орын. Үшінші орын – Тайландта", - делінген Ұлттық олимпиада комитетінің хабарламасында.
Ескек есуден (500 м) екінші орынды Ирина Подойникова мен Ольга Шмелева иеленді. Алтын Қытайдың еншісінде. Өзбекстан үшінші орыннан көрінді.
