Қостанай облысының Денисов аудандық соты ауданның полиция бөлімінің бастығы Ербол Шошақовқа, жергілікті полиция қызметі бөлімшесінің басшысы Бейбітхан Байтақовқа және патрульдік-бекеттік қызметтің аға инспекторы Әмір Өтегеновке бопсалау арқылы пара алғаны үшін үкім шығарды, деп хабарлайды Ulysmedia.kz.
Іс материалдарына сәйкес, Ербол Шошақов Бейбітхан Байтақов пен Әміре Өтегеновке екі кәсіпорынның бас директорларымен кездесуге және жүргізушілер мен механизаторларды астық жинау жұмыстарын және астық тасымалдауды жүзеге асыру кезінде әкімшілік жауапкершілікке тартпағаны үшін бидай дәні түріндегі пара талап етуге нұсқау берді.
ЖШС Бас директоры бас тартқан жағдайда егін жинау науқанының мерзімдері бұзылады деп қорқып, 30 тоннаға жуық мөлшерде бидай түріндегі пара беруге келіскен.
"Сол күні Байтақов мен Өтегенов заңсыз алынған бидай дәнін жалпы сомасы 3 млн теңгеден астам сомаға сатты", - делінген хабарламада.
Сотталушылар кінәсін мойындамады.
Сот үкімі бойынша Шошақов сегіз жылға бас бостандығынан айырылды, ал Байтақов пен Өтегенов жеті жылға бас бостандығынан айырылды, өмір бойы мемлекеттік қызметте жұмыс істеуге тыйым салынды. Үшеуі де орташа қауіпсіздік мекемесінде жазасын өтейтін болады.
Сонымен қатар, Шошақов полиция полковнигі, Байтақов полиция подполковнигі және Өтегенов полиция капитаны атағынан айырылды.
Үкім заңды күшіне енген жоқ.
Айта кетейік, бұдан бұрын Астанада экс-полицей алаяқтыққа оқталғаны үшін ірі көлемде айыппұл арқалады. Оған 2,25 млн теңге айыппұл салынды, атағынан айырылды және мемлекеттік қызметте жұмыс істеуге тыйым салынды.
