×
451.31
487.32
4.9
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
451.31
487.32
4.9

Қазақстандық жас инженер Ұлыбританияның Корольдік комиссиясының мүшесі болды

17.10.2023, 17:35
әлеуметтік желіден

Жас инженер Санжар Тайжан  Ұлыбританияның Корольдік комиссиясының мүшесі атанды, деп хабарлайды Ulysmedia.kz.

“Ұлыбританияның Корольдік комиссиясының мүшесі болу және марапатын алу – мен үшін үлкен мәртебе. Комиссияның қазіргі басшысы –  Жоғары Корольдік мәртебелі Анна ханшайым. Комиссия өзінің қызметі тарихында әлемге Нобель сыйлығының 15 иегерін сыйлаған. Global Talent Visa-сына лайық болу да жоғары мәртебе”, – деп жазды ол желідегі парақшасында.

Республикалық физика-математика мектебін, Ұлыбританиядағы Кембридж колледжін, сондай-ақ машина жасау және инженерия саласындағы әлемдегі ең үздік жоғары оқу орындарының бірі – Уорик университетін тәмамдаған талантты инженердің командасы 2019 жылы Илон Маск жариялаған SpaceX Hyperloop Pod Competition байқауына қатысып, топ-50 қатысушының қатарына енген болатын.

Ал биылғы жылдың көктемінде Санжар Тайжанның командасы The Boring Company мен SpaceX компаниялары ұйымдастырған Not-A-Boring Competition байқауында үшінші орынға қол жеткізді.

Серіктес жаңалықтары