Өнеркәсіп және құрылыс министрі Қанат Шарлапаевтың айтуынша, Миттал активтер үшін 3,5 миллиард доллар сұраған, деп хабарлайды Ulysmedia.kz.
Лакшми Митталдың Қазақстанда өз активтерін қанша сомаға сатқаны белгілі болды. Мәміле Лондонда өткен. Бастапқыда Миттал 3,5 миллиард доллар сұраған, бірақ соңында бұл сома азайған.
Қазіргі уақытта мәміленің құрылымы келесідей: актив үшін 290 миллион доллар төленеді, оған қоса Митталдың қарызы 250 миллион долларды құрайды. Сондай-ақ, мердігерлер алдындағы қарыздарды өтейтіні айтылды.
Нәтижесінде мәміле сомасы $3,5 млрд-тан 2 286 млн-ға дейін төмендеген.
«Келіссөздер шеңберінде ArcelorMittal Қазақстанға ешқандай талап қоймайтынын ерекше айтқым келеді. ArcelorMittal Қазақстанға қатысты талаптардан, сот талабынан, басқа да қараушылықтардан толық бас тартатыны туралы келісімге қол қойды. Келісім халықаралық құқық нормаларын толық сақтай отырып, құқықтық негізде жасалды», – деді Қанат Шарлапаев үкімет үйінде өткен брифингте.
Еске сала кетейік, бұған дейін АрселорМиттал Теміртау компаниясын қазақстандық олигарх сатып алған болатын. Ол - Аллюр компаниялар тобының басшысы, кәсіпкер Андрей Лаврентьев.
