×
465.28
499.2
5.33
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
465.28
499.2
5.33

ҰҚШҰ анағұрлым өзекті әрі сұранысқа ие бағыттарға назар аударуы қажет – Тоқаев

10.06.2024, 16:13
Фото: Ақорда

Мемлекет басшысы ҰҚШҰ бас хатшысы Иманғали Тасмағамбетовті қабылдады, деп хабарлайды Ulysmedia.kz.

Олар не туралы сөйлесті

Кездесуде ұйымның Қазақстан төрағалығы кезеңіндегі негізгі міндеттерін жүзеге асыру мәселелері талқыланды.

Қасым-Жомарт Тоқаев ҰҚШҰ-ның жарғылық жұмысында ұйымға мүше барлық мемлекет үшін анағұрлым өзекті әрі сұранысқа ие бағыттарға назар аудару қажет екенін атап өтті. Оның пікірінше, терроризм, есірткі мен қарудың заңсыз айналымы, ақпараттық саладағы қылмыс секілді сын-қатерлерге қарсы күрес мәселесіне айрықша мән берген жөн.

Президент өңірлік қауіпсіздікті нығайту мақсатында басқа да халықаралық құрылымдармен конструктивті ынтымақтастықты жолға қою маңызды екенін айтты.

Оқу-жаттығуға дайындық

Иманғали Тасмағамбетов ҰҚШҰ ұжымдық қауіпсіздік кеңесінің былтыр қараша айында өткен сессиясында Қазақстанның бастамасымен қабылданған іс-шаралар жоспарының орындалу барысы жөнінде мәлімет берді.

Кездесуде ҰҚШҰ Ұжымдық қауіпсіздік кеңесінің кезекті сессиясына және еліміздің аумағында өтетін оқу-жаттығу жиындарына дайындық мәселесі қарастырылды.

Еске салсақ, қыркүйекте ҰҚШҰ-ға мүше елдердің аумағында есірткіге қарсы операция жүргізіледі.

Сондай-ақ Тасмағамбетов "Еуразиялық қауіпсіздік: өзгеріске бет бұрған әлемдегі шындық пен перспективалар" атты халықаралық конференцияда сөз сөйлеп, Еуразияда әскери-саяси шиеленіс өскенін мәлімдеген болатын.

Серіктес жаңалықтары