Қазақстандықтар 2022 жылдың наурызына дейін Египетке 20 мыңнан астам тур сатып алып қойған деп хабарлайды Ulysmedia.kz.
«Қазақстандықтар 2022 жылдың наурызына дейін Египетке 20 мыңнан астам тур сатып алды! Клиенттер сапар мерзімдерін ауыстыра алады немесе оларды эпидемиологиялық жағдай қолайлы басқа бағыттарға ауыстыра алады. «Атамекен» Ұлттық кәсіпкерлер палатасы балама бағыттарды Денсаулық сақтау министрлігімен, ИИДМ, ҚР МСМ және «Туристік Қамқор» қорымен бірлесіп қарастыруда. Сондай-ақ келісілген жерлерге рейстер санын арттыру қажет! Осының бәрімен жұмыс істеудеміз! Болып жатқан оқиғалар мен қабылданған шешімдер туралы хабардар етіп отырамын!» - деп жазды ҚР «Атамекен» ҰКП басқарма төрағасының орынбасары Олжас Ордабаев.
Ол 3 желтоқсаннан бастап ведомствоаралық комиссияның шешімі бойынша Қазақстанға «Омикрон» штаммының әкелінуіне жол бермеу мақсатында Египетпен әуе қатынасы тоқтатылатынын еске салды.
