2021 жылы қол астындағылардың сыбайлас жемқорлық үшін 264 басшы жауап берді, олардың 9-ы ғана саяси мемлекеттік қызметкерлер дәрежесінде. Ulysmedia.kz сұрағына Мемлекеттік қызмет істері Агенттігінің Мемлекеттік қызмет саласындағы бақылау департаментінің директоры Ерлан Сапаров осылай деп жауап берді.
Ол бір жыл ішінде тек 9 саяси мемлекеттік қызметші отставкаға кету жайлы өтініш білдіргенін, оның 3-еуі ғана қабылданғанын хабарлады. Айта кетейік, екі жыл ішінде елімізде сыбайлас жемқорлық үшін 1076 мемлекеттік қызметші сотталды.
Брифингте Ulysmedia.kz тілшісі Сапаровтан сыбайлас жемқорлыққа қарсы күресте заң тиімділігін бағалауды сұрады. Оған мемлекеттік қызметті бақылаумен айналысатын департамент директоры басшылардың шешім қабылдауға құқығы жоқ олар уәкілетті тұлғаның атына отставкаға кету туралы өтініш жазатынын хабарлады.
Сондай-ақ, ол заңға сыбайлас жемқорлыққа қарсы күрес агенттігінде баға берілуі тиіс, өйткені заң дәл сол жерде әзірленгенін алға тартты.
«Қоластындағы қызметкердің сыбайлас жемқорлық әрекеті үшін басшыны жазалау кезінде уәкілетті адам отставаканы қабылдауға міндеттелмейді. Бұл оның қалауына байланысты. Ол өз бағыныштыларын тәртіптік жауапкершілік түрінде жазалауға құқылы», - деп түсіндірді Сапаров.
КІМ ЖАУАПКЕРШІЛІКТЕН БАС ТАРТТЫ
20 желтоқсанда ҚР Мәдениет және спорт министрі Ақтоты Райымқұлова орынбасары Сәкен Мұсайбеков алаяқтық жасағаны үшін кінәлі деп танылғаннан кейін отставкаға кету туралы өтініш бергенін хабарлады.
Алайда президент оны қабылдамады. Кейін Антикорр басшысы Марат Ахметжанов бұл жағдайда отставкаға кету көзделмегенін түсіндірді, өйткені Мұсайбеков сыбайлас жемқорлық үшін емес, алаяқтық үшін сотталды.
Тамыз айында Атырау облысы әкімінің орынбасары Серік Айдарбековтің отставкаға кету туралы өтініш бергені жайлы ақпарат пайда болды. Себебі оның қарамағындағыларға қатысты сот үкімі шықты. Алайда облыс басшысы Махамбет Досмұхамбетов отставканы қабылдамады. Қатаң сөгіспен шектелді.
Ақпан айында елорда әкімінің орынбасары Бақтияр Мәкеннің сыбайлас жемқорлыққа байланысты отставкаға кетуі қызу талқыланды, бірақ әкім Алтай Көлгінов шенеунікті қалдыруды шешті.
Бұл заң бойынша талдауды сілтемеге өтіп оқуға болады.
