×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

Үкімет ШҚО-дағы су электрстанцияларын арабтарға сатудан бас тартты

14.01.2022, 19:12
Фото: ашық дереккөз

Үкімет Шүлбі және Өскемен су электрстанцияларын сату жоспарынан бас тартты. Бұған дейін аталған гидроэлектрстанциялардың 75 пайызы Біріккен Араб Әмірліктерінің компаниясына сатылатын болған, деп хабарлайды ulysmedia.kz.

 

KTK-ның мәліметінше, экс-премьер Асқар Мәмин бастаған үкімет Қазақстан мен Біріккен Араб Әмірліктері арасында  ұзақ мерзімді стратегиялық әріптестік құру туралы заң жобасын әзірлеп те қойған. Шүлбі және Өскемен электрстанцияларының арабтардың қолына өтуі осы келісім аясында жүзегі асуы мүмкін болған.

Әзірге қос нысанның тағдыры белгісіз. Бірақ премьер-министр Әлихан Смайыловтың 10 қаңтарда, яғни әлі үкімет басшысы болмай тұрғанда қол қойған қаулысына сәйкес, Шүлбі және Өскемен су электрстанциялары толығымен Біріккен Араб Әмірліктерінің иелігіне өтуі мүмкін екендігі жазылған.

Экс-энергетика министрі Мағзұм Мырзағалиев үкіметтің мұндай қадамын электр станцияларының көнергендігімен байланыстырып, олар күрделі жөндеуді қажет етеді деген. Себебі біріне 60, екіншісінің қабырғасы қаланғанына 80 жыл. Яғни араб елінен келген инвесторлар қыруар қаржы құйып жөндеу жұмыстарын жүргізуі керек болған. Ал жаңа министрлер кабинетінің неге айнып қалғаны түсініксіз.

Стратегиялық маңызы бар нысандар шетелдік емес, отандық инвесторлардың қолында болуы керек деп санайды отандық сарапшылар. Сатқан күннің өзінде бақылаушы пакет акциясы мемлекеттің қолында болғаны дұрыс. Ал су электр станцияларының жағдайы үкімет айтқандай мүшкіл емес екен.

Серіктес жаңалықтары