Мұрат Нұртілеу Қазақстан Республикасы Президенті Әкімшілігінің Басшысы лауазымына тағайындалды, деп хабарлайды ulysmedia.kz.
Бұған дейін, Нұртілеу Мұрат Әбуғалиұлы ҚР ҰҚК Төрағасының бірінші орынбасары болған. Бір айта кетері ол бұл қызметте бір-ақ ай отырды. Ол Әл-Фараби атындағы Қазақ мемлекеттік ұлттық университетін 1998 ж. тәмамдаған.
«Құрмет» орденімен наградталған.
1998-2007 жылдары – ҚР Сыртқы істер министрлігінде қызмет атқарды;
2007-2011 жылдары – ҚР Парламенті Сенаты Аппаратының басшысы;
2011-2014 жылдары. – ҚР Сыртқы істер министрлігінде қызмет атқарды;
2014-2016 жылдары – ҚР Президенті Әкімшілігінде қызмет атқарды;
2016-2019 жылдары – Қазақстан Республикасының Финляндия Республикасындағы және оған қоса Эстония Республикасындағы Төтенше және Өкілетті Елшісі қызметін атқарды;
2019-2021 жылдары – ҚР Президентінің көмекшісі;
2021-2022 жылдары – Қазақстан Республикасы Президенті Әкімшілігі басшысының орынбасары;
2022 жылғы 5 қаңтардан бастап – ҚР Ұлттық қауіпсіздік комитеті Төрағасының бірінші орынбасары.
Мұрат Нұртілеудің Президент Қасым-Жомарт Тоқаев істеген жерлерде жұмыс істегені көрініп тұр. Тіпті, 1998 жылы жаңа ғана оқу бітірген жас түлек Тоқаев басқарған министрлікте қызмет атқарған. Еске салсақ, Тоқаев 1994-99 жж елде СІМ министрі болған. Әр жылдары болса да елшілікте, Сенатта жұмыс істегендері тағы бар.
Бұған дейін Президент әкімшілігін басқарған Ерлан Қошанов бүгін Мәжіліс төрағасы болып кетті.
