×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

"Шыдасаңыздар, бәрін түсінесіздер": Даниал Ахметов қоғамның Назарбаевқа қарсылығы туралы

09.03.2023, 12:53
Коллаж: Ulysmedia.kz

Ulysmedia.kz порталына берген сұхбатында ШҚО әкімі Даниал Ахметов  Қазақстанды "елбасысыздандыру" процесіне қатысты пікірін білдірді.

Нұрсұлтан Назарбаевтың қол астында ұзақ жыл жұмыс істеген Ахметов өткенді сызып тастауға асықпау керегін айтты.

"Мен сізге бір-ақ нәрсе айтамын – тарих пен уақыт бүкіл қазақстандық қоғамның сауалына жауап береді. Көп ұзамай еліміздің әрбір басшысының рөлі мен орны айқындалады. Шыдай тұрыңыздар, бәрін түсінетін боласыздар", - деп жауап берді Ахметов.

Сондай-ақ, әкімге “Назарбаевпен араласасыз ба, хабарласып тұрасыз ба?”

"Иә, мен өткен жылдың 15 маусымында сөйлестім, одан кейін хабарласудың сәті түспеді. Менің ойымша, ол еліміздің дамуына зор үлес қосты", - деді ШҚО әкімі.

Даниал Ахметов Қазақстанның жаңа тарихында болып жатқан процестерді сипаттау үшін Абай еңбектерін оқуға кеңес берді.

"Баршаңызға Абайды оқуға кеңес беремін. Бірінші кезекте Абай – ойшыл, екінші кезекте Абай – философ, содан кейін ғана Абай – ақын. Ойшыл ретінде ол біздің өміріміз бен философиямыздың негізін қалады. Өзінің алғашқы қара сөзінде ол өз халқының қарғысына ұшырауға дайын адам ғана халықты басқара алатынын айтты. Сондықтан, менің ойымша, мемлекеттік қызметкерлер – бұл қоғамның өмірлік жағдайларға байланысты таққан жаласы мен ауыр айыптауларын қабылдайтын адамдардың ерекше категориясы"- деді Ахметов.

Айта кетейік, бұдан бұрын ШҚО басшысы тағы бес жыл әкім болғысы келетінін айтқан.

Серіктес жаңалықтары