×
433.83
482.81
5.57
#қаңтар қақтығысы #мұнай #әкімге үш сұрақ #лот ашар #ауыс-түйіс #кибербуллинг #коронавирус #hi-tech
433.83
482.81
5.57

Атырау облысының әкімі орынбасарының ұсталғанына қапалы

14.12.2021, 14:18
Коллаж: Ulysmedia.kz

Атырау облысының әкімі Махамбет Досмұхамбетов ҚР Сыбайлас жемқорлыққа қарсы іс-қимыл агенттігі қызметкерлерінің өзінің орынбасары Бақытгүл Хаменованы ұстауына қатысты түсініктеме берді деп хабарлайды Ulysmedia.kz.

ҚР Үкіметінің отырысы барысында журналистердің сұрағына жауабында Атырау облысының басшысы айтқандай, Бақытгүл Хаменованың міндеті басқа орынбасарлар арасында бөлініп, орнына ешкім алынбаған.

«Хаменованың орнын ешкім алынған жоқ, функциялары әкімнің негізгі орынбасарлары арасында бөлінген. Тергеу жүріп жатыр, тергеуден кейін бәрі анық болады. Әзірге тергеу жүріп жатқанда түсініктеме бере алмаймын», – деді Махамбет Досмұхамбетов.

Атырау облысының әкімі егер оның қарамағындағы адамның кінәсі дәлелденсе, отставкаға кетуге дайын екенін атап өтті.

«Бұл мәселені реттейтін заң бар. Егер менің тікелей бағыныстағы орынбасарларымның бірі сыбайлас жемқорлық құқықбұзушылық жасағаны анықталса, онда заңға сәйкес отставкаға кетуім керек, ал шешімді Мемлекет басшысы қабылдайды», – деді Махамбет Досмұхамбетов.

 Сонымен қатар, ол орынбасарының кінәсіздігіне сенеді ме деген сұраққа жауап берді:

 «Иә, жоқ деп түсініктеме бере алмаймын. Әзірге тергеу амалдары жүріп жатыр».

Аймақ басшысының сөзінше, қамауға алынғаннан кейін құқық қорғау органдары оны жауап алуға шақырмаған, ұсталғаннан соң Бақытгүл Хаменовамен сөйлеспеген. Әкім тиісті жайтты қалай қабылдағанын жасырмады:

«Әрине, мен ренжідім».

Өңір жетекшісі Атырауда Абай ескерткішінің құрылысын тоқтата тұру мүмкін бе дегенге жауап берді.

«Ескерткіш туралы шешім, егер қателеспесем, 2016 жылы болды. Пандемия кезінде біз ол жұмысты жасай алмадық, биыл ескерткіш орнату жоспары болды. Кешіктірілуі мүмкін немесе кешіктірілмеуі мүмкін. Бұған тергеу әсер ете ме деп айта алмаймын», – деп түйіндеді Махамбет Досмұхамбетов ескерткіштің орнатылуы тоқтатылмағанын келтіріп.

Еске сала кетейік, көпшілікке Елбасыға ода арнауымен танылған Бақытгүл Хаменова Атырауда Абайға ескерткіш орнатуға мемлекеттік сатып алу шартын жасағаны үшін 4 миллион 500 мың теңге көлемінде пара алды деген күдікке ілінді. Сот күдікті әйелдің қылмыстық қудалау органдарынан жасырынбағанын, бұрын сотталмағанын, жалғыз өзі екі баланы тәрбиелеп отырғанын, асырауында қарт анасының барын ескеріп қамаудан үйқамаққа босатты.