Солтүстік Қазақстан облысында буллинг пен зорлық-зомбылықтың алдын алу мақсатында мектептер мен балабақшаларда жасанды интеллект технологияларын қолдана бастады, деп хабарлайды Ulysmedia.kz.
ТОЛЫҒЫРАҚ
Pkzsk.info мәліметінше, жүйе нақты уақыт режимінде агрессивті мінез-құлықты анықтап, қауіпті жағдайлардың алдын алуға көмектеседі.
- Петропавл қаласындағы 6 мектеп пен 1 балабақшада «PROTECTOR AI» жасанды интеллект жүйесі енгізілген. Бұл жүйе нақты уақыт режимінде агрессивті мінез-құлықты анықтап, жауапты тұлғаларға белгі береді, деді Солтүстік Қазақстан облысы прокурорының бірінші орынбасары Абу-Әли Саттар.
Прокуратура мәліметінше, бұл жүйе өзінің тиімділігін көрсете бастаған. Алдағы уақытта оны облыстағы барлық оқу орындарына енгізу жоспарланып отыр.
Сондай-ақ, болашақта мектептерде эмоцияны талдау функциясы бар одан да жетілдірілген жүйе енгізілуі мүмкін.
