Қарағанды облысының әкімдігі «Абай» шахтасында метан газының кенеттен шығуы салдарынан қаза тапқан кеншілердің есімдерін жариялады, деп хабарлайды Ulysmedia.kz.
ekaraganda.kz-ның мәліметінше, барлығы 6 адам қайтыс болды, екеуі жансақтау бөлімінде жатыр. Зардап шеккендердің ең жасы небәрі 31 жаста.
Қаза тапқан кеншілердің нақтыланған тізімі
Шмидт Виталий Владиславович, 1979 ж.т.;
Скитченко Николай Николаевич 02.08.1968 ж.т.;
Абдуллин Наиль Рамильевич, 1990 ж. т.;
Супрунов Алексей Алексеевич, 1987 ж. т.;
Краус Сергей Юрьевич, 1983 ж. т.;
Корниенко Сергей Анатольевич, 1971 ж. т.
Зардап шеккендер:
Маралбаев Женис Мерекеевич, 1963 ж. т.;
Зейналов Элайдын Авез-оглы, 1960 ж. т.
Құрамында компания мен мемлекеттік органдардың өкілдері бар жедел штаб құрылғаны хабарланды. Облыс басшылығы мен компаниялар қаза тапқан кеншілердің отбасыларына барып жатыр.
ҚР Премьер-Министрі Асқар Маминнің тапсырмасы бойынша Төтенше жағдайлар министрі Юрий Ильиннің жетекшілігімен төтенше жағдайдың мән-жайы мен себептерін анықтайтын мемлекеттік комиссия құрылды.
Еске сала кетсек, бұған дейін Абай қаласындағы «Арселор Миттал Теміртау» компаниясына тиесілі шахтада барлығы 64 жұмысшы болғанын, оның 56-сы дереу эвакуацияланғанын жаздық.
