×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Елордалық ұландықтар көпірден секіргісі келген жігітті құтқарды

04.12.2021, 13:35
Фото: ашық дереккөз

Оқиға 3 желтоқсан күні кешкі сағат 21.30 шамасында болды, деп хабарлайды ulysmedia.kz.

ҚР Ұлттық ұланы баспасөз қызметінің мәліметінше, патрульдік-бекеттік қызмет атқару барысында Ұлттық ұлан 5573 әскери бөлімінің әскери қызметшілері өз еркімен өмірімен қоштасқысы келген әрекетке тосқауыл қойды. Ер жігіт Есіл өзеніндегі көпірден секіргісі келген.  

Қоғамдық тәртіпті қамтамасыз ету бойынша қызмет атқару барысында әскери жасақ бастығы қатардағы Хәкімжан Сарбасов және патрульшілер Максим Рюмина және Роланд Арапиевпен бірге өзен бойын жағалап келе жатып, Сарыарқа көшесінің бойындағы көпірден «Өмір сүргім келмейді, өлгім келеді» деген жігіттің дауысын естиді.  

«Көпірден секіргісі келген жігітті көріп, біз дереу оған қарай асықтық. Ер азамат «Radisson» қонақүйінің қасындағы көпірде тұрды. Осы уақытта ол қоршаудың арғы жағына өтіп үлгерді. Жас жігіт көпірден секіремін деп, суицид жасағысы келді», - дейді  ұландық жауынгер Хәкімжан Сарбасов.

Әскери қызметшілер азаматпен сөйлесіп, оны бастапқы ойынан бас тартуға шақырды. Осы сәтте жақында кетіп бара жатқан басқа да тұрғындар азаматтың оқыс қылық жасамауын өтінді. Кейін ұтымды сәтті пайдалана отырып, әскерилер мен азаматтар қыл үстінде тұрған жігітті көпірдің арғы жағынан алып шықты. Бұдан соң оны жұбатып, әскери жасақтар бойынша кезекшіге тапсырды.  

2003 жылғы азамат әрі қарай мән-жайды анықтау үшін Сарыарқа ауданының полиция басқарамасына жеткізілді.