Шет ауданынан Қарағандыға бет алған адам Қызыл кітапқа енген құсты атқан болуы мүмкін, деп хабарлайды Ulysmedia.kz.
Бұл туралы Қарағанды облысының полиция департаменті мәлімдеді.
Қарағанды маңында браконьер мінген көлікті табиғатты қорғау полицейлері байқап қалған.
Олар көліктің соңынан қалаға дейін қуып барды. Оны Қарағанды қаласының жол-патрульдік полиция полкі тоқтатты. Көлік рөлінде 31 жастағы ер адам болған.
Полицейлер көлікті тексеру барысында жүксалғыштан аққудың өлексесін тапты. Жүргізуші кінәсін мойындап, ол құсты Шет ауданында жүргенде атқанын мойындады. Тиісті сараптама тағайындалды.
Келтірілген шығын көлемі анықталып жатыр. 337-бап «Заңсыз аңшылық» бойынша сотқа дейінгі тергеу амалдары жүргізілуде.
