Қазнетте бұрынғы президент Нұрсұлтан Назарбаевтың отбасылық суреті қызу талқыланып жатқанда, оның немересі Нұрәли Әлиев спорттық жетістіктерімен көзге түсуде, деп хабарлайды Ulysmedia.kz.
Нұрәли Әлиевтің қайда тұратыны және қазір нақты немен айналысатыны белгісіз. Алайда, Instagram парақшасындағы суреттерге сүйенсек, ол жақында АҚШ-қа, атап айтқанда, Сан-Францискоға барған.Онда Әлиев "Алтын қақпа" бұғазы арқылы өтетін аспалы көпірде марафонға қатысқан.
"Командаға керемет тәжірибе үшін рахмет. Мен мұны сіздерсіз жасай алмас едім. Және отбасыма, мәреге жеткенде қасымда болған қызым Лораға ерекше рахмет. Екі сағаттан аз уақыт ішінде көздеген нәтижеге қол жеткіздік! Үздіксіз жаттығулар мен төгілген тер – бұл өткен жылмен салыстырғанда үлкен жетістік", - деп жазды Әлиев.
Ол 1 сағат 55 минутта 21 шақырымды жүгіріп өткенін айтты.
Марафонға бірнеше күн қалғанда Нұрәлі Әлиев Сан-Франциско маңында беделді Half Moon Bay клубының алаңында гольф ойнаған.
"Ойын үшін барлығына рахмет! Ең эпикалық гольф алаңдарының бірі", – деп жазды Әлиев.
Айта кетейік, жақында бұрынғы президент Нұрсұлтан Назарбаевтың немересі Нұрәли Әлиевтің "Транстелеком" АҚ Директорлар кеңесінің төрағасы болғаны белгілі болды.
Көп ұзамай Қаржы министрлігінің басшысы бұл тағайындауға қатысты пікір білдірді.
Нұрәлі Әлиев – Дариға Назарбаева мен Рахат Әлиевтің тұңғыш баласы. Аида – Қазақстан Республикасы Орталық сайлау комиссиясының бұрынғы төрағасы Берік Имашевтің қызы. Ол Швейцария мен АҚШ-та білім алған.
Қаңтар айындағы оқиғалардан кейін Назарбаевтың балалары мен немерелері Дубайға қоныс аударды.
