Қалада бір мезгілде қар мен жаңбыр жауып, күн күркіреп, найзағай ойнаған, деп хабарлайды Ulysmedia.kz.
Instagram желісіндегі павлодарлық парақшалардың бірінде ерекше ауа райы құбылыстары бейнеленген бейнежазба пайда болып, Қазнет қолданушыларын таңғалдырды.
Кадрларда боран мен жаңбырмен бірге күн күркіреп, найзағай ойнаған. Ауа райы құбылыстарының мұндай сирек үйлесіміне павлодарлықтар куә болып, таңданысын жасырмауда. Оны парақша астындағы пікірлерден аңғаруға болады.
Айта кетейік, ауа райының қолайсыздығына байланысты соңғы күндері республикалық маңызы бар тасжолдар жиі жабыла бастады. 13 облыста дауыл болатыны ескертілді.
