×
479.42
467.91
8.21
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
479.42
467.91
8.21

«Қалай дегенмен көршіміз ғой»: Назарбаев өкілеттігін тоқтату алдында Путинге хабарласқанын айтты

21.10.2021, 22:37
Фото: ашық дереккөз

Қазақстанның тұңғыш президенті Нұрсұлтан Назарбаев «Хабар» арнасынан көрсетілген «Штрихи к портрету» фильмінде өкілеттігін тапсыру туралы сауалға жауап берді, деп хабарлайды ulysmedia.kz.

«Мұндайды жария етуге болмайды. Ешкімге айтқан жоқпын. Тек сол күні таңертең Путинге қоңырау шалдым. Қалай дегенмен де көршіміз ғой. Ол аң-таң болды. «Бүгін кешке жарияланады. Өз аузымнан естігеніңіз дұрыс болады деп шештім» дедім. Басқа ешкім білген жоқ. Бұл ой маған біраз уақыт бұрын келген», - деді Нұрсұлтан Назарбаев.

Оның айтуынша, өкілеттігін тоқтату туралы ой оған 2015 жылы 75 жылдықты атап өткен кезде келген.

«Сол кезде-ақ осымен тоқтату керек деп шештім. Қазақстан халқы Ассамблеясы менің өкілеттігімді сайлаусыз созу үшін ел аумағында қол жинай бастады. Менің қарсылығыма қарамастан, 5 млн. қол жиналды, бұл дегеніңіз – электораттың 65 проценті. Сол кезде мерзімінен бұрын сайлау өткізу туралы шешім қабылданды. Алғашқы халықтық сайлау 1991 жылы өтті, 98,8% процент дауыс жиналды, ал соңғысында – 97,8%. Сайлау нәтижелерімен танысып шықтым, 80%-дан кем болмаған екен. Кім де кім бұл нәтижелерге күмәнданса, алдымен жақсылап ойланып көрсін. Бұл 60% емес қой, 80-90%-ды ойдан жаза салуға болмайды. Естеріңізде болса, 2015 жылы адамдар дауыс беру үшін кезекте тұрған. Сол кезде адамдардың маған деген сенімен көріп көзіме жас келді», - дейді ол.