АҚШ сауда министрлігінің шектеулеріне ұшыраған компаниялар өз қызметін жалғастыра алады, деп хабарлайды Ulysmedia.kz.
Не мәселе
Ұлттық экономика министрлігі Elem group компаниясының АҚШ сауда департаментінің өнеркәсіп және қауіпсіздік бюросының тізіміне ("entity list") енгізілуіне түсініктеме берді.
Бұл нені білдіреді
"Айта кету керек, 2023 жылдың мамыр айынан бастап "Elem group" ЖШС сыртқы сауда қызметін жүргізбейді.
Енгізілген шектеулер бұдан былай АҚШ жеткізушілері осы тізімге енген компанияларға американдық тауарларды бұған дейін арнайы лицензия алмай-ақ жібере алмайтындығын білдіреді.
АҚШ сауда министрлігінің шектеулеріне ұшыраған компаниялар американдық контрагенттермен жұмыс істеп, өз қызметін жалғастыра алады. Бұл тізімде Германия, Жапония, Бельгия, Ұлыбритания және т. б. дамыған елдердің кәсіпорындары да бар.
Бұл қайталама санкциялар емес, яғни АҚШ қаржы министрлігінің (SDN list) шетелдік активтерді бақылау басқармасының (OFAC) бұғаттау тізіміне жатпайтынын ескеру маңызды", - деп хабарлады министрлік.
Контекст
7 желтоқсанда "Elem group" ЖШС АҚШ сауда министрлігінің өнеркәсіп және қауіпсіздік бюросының тізіміне енгізілді.
