Ақтаудағы №2 емхананы су басты. Жергілікті денсаулық сақтау басқармасының баспасөз қызметі өкілдері болған жағдайға қатысты пікір білдірді, деп хабарлайды Ulysmedia.kz.
Басқармадағылар оқыс оқиғаға жылу батареясын сындырып алған науқас кінәлі екенін айтты.
Ол жылу батареясына сүйеніп тұрғанда, батарея бір бөлігі сынып кеткен. Салдарынан екінші қабаттан атқылаған су төмендегі электр желісі шоғырланған қорапқа жетіп, қауіпсіздік дабылы қосылған.
Денсаулығы сыр беріп, дәрігердің көмегіне жүгінген науқастың батареяны сындыратындай қауқарына таң қалдық. Мүмкін емхана басшылығына жылу батареяларының сапасын бір тексеріп қою артық етпейтін шығар...
