Қазақстанда ғарыш жүйелерінің ұлттық операторлары өзгереді, деп хабарлайды Ulysmedia.kz.
Өйткені, 2023 жылғы маусымда ғарыш жүйелерінің ұлттық операторлары болып айқындалған «Қазақстан Ғарыш Сапары» ҰК» АҚ мен «Республикалық ғарыштық байланыс орталығы» АҚ өздерін ұлттық операторлар тізімінен алып тастау жөнінде өтініш білдірген.
Цифрлық даму, инновациялар және аэроғарыш өнеркәсібі министрінің өткен жылғы ұлттық операторларды айқындау жөніндегі бұйрығының күші жойылмақ. Бұл туралы жаңа бұйрықтың жобасы Ашық НҚА порталында жарияланды.
Жаңа ұлттық операторлар қашан және қалай айқындалатыны туралы әзірге ақпарат жоқ.
