Алматы әкімдігі 15 сәуірден бастап жылуды кезең кезеңімен өшірілетінін хабарлады, деп жазады Ulysmedia.kz.
Әкімдіктің хабарлауынша, жылыту маусымын аяқтау туралы шешім қала әкімдігінде өткен кеңесте сыртқы ауаның белгіленген температурасынан +8° жоғары болуына байланысты қабылданған. Жылудан ажырату әкімшілік ғимараттардан, оқу орындарынан және мәдениет объектілерінен басталады.
– Жұмыс жиналысында инфрақұрылымның тозуын азайту жөніндегі инвестициялық бағдарламаның маңыздылығы атап өтілді. Жыл басында 25 жылдан астам уақыт бойы пайдаланылып келе жатқан тозған желілердің ұзындығы желілердің барлық ұзындығынан 802,6 км немесе 57,9%-ды құрайды. 2024-2025 жылдардағы жылыту маусымына дайындық үшін 35 млрд теңге бөлінді, ал 2025 жылы қосымша 32 млрд теңге бөлу жоспарланып отыр, – делінген хабарламада.
Қала әкімі Ерболат Досаев инфрақұрылымды жөндеу жұмыстарын күшейтуге және жолдарды жөндеуге байланысты коммуналдық қызметтердің қызметін үндестіруге шақыған.
Алматыда 214 мектеп, 190 балабақша, 128 аурухана және 8836 көппәтерлі тұрғын үй орталық жылытуға қосылған.
