Қазақстандық боксшы Ангелина Лукас Таиланд астанасы Бангкокта өткен жекпе-жектегі жеңісінен кейін әлеуметтік желіде мәлімдеме жасады, деп жазады Ulysmedia.kz.
Отандасымыз үндістандық Мамта Сингхті бесінші раундта техникалық нокаутпен жеңгенін атап өткен жөн.
"Бәріне Ассалаумағалейкум! Бүгін WBF және WIBF тұжырымдары бойынша әлем чемпионы атағын жеңіп алдым. Бұл титулдар абсолют чемпион құрамына кіреді және әлемдегі беделділердің бірі. Бұл жеңісті сүйікті елім - Қазақстанға, бүкіл халқыма, ЦСКА мен ҚР қарулы күштеріне арнаймын! Өйткені бізде қазір су тасқынына байланысты елімізде қиын жағдай болып тұр. Бәрі жақсы болып кетуін тілеймін! Мақсат - биыл әлемнің абсолют чемпионы атану, Алға, Қазақстан!", - деп жазба қалдырды А.Лукас.
Естеріңізге салсақ, бұған дейін Ангелина Лукас Таиланд астанасы Бангкокта жергілікті промоушн өткізген бокс кеші аясында спорттық мансабында жеңіліп көрмеген тай спортшысы Таньярат Джайклды (6-0, 6КО) ұтып кеткен еді.
