×
443.72
482.28
4.9
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
443.72
482.28
4.9

Астанада экоакция кезінде рұқсат етілмеген қоқыс полигондары жойылды

07.05.2024, 14:57
Астана әкімдігі

Астанада «Таза Қазақстан. Астана – тазалық пен тәртіптің үлгісі» экоакциясы өтіп жатыр. Бұл апта «Мөлдір бұлақ» деп аталады, оның барысында су айдындары – өзендер мен көлдердің айналасы қоқыстан тазартылады. Экоакция кезінде рұқсат етілмеген екі полигон жойылды, деп хабарлайды Ulysmedia.kz порталы елорда әкімдігне сілтеме жасап.

1500-ден астам студент пен елордалық мәслихат депутаттары «Нұра-Есіл» каналынан 200 тоннадан астам қоқыс жинады. Рұқсат етілмеген қоқыс орындарынан қоқыс шығару үшін 30-дан астам ауыр жүк рейсі жасалды.

«Елордалық депутаттар осы экологиялық акцияға белсенді қатысып жатыр. Бүгін біз «Нұра-Есіл» каналын тазалау акциясын ұйымдастырдық. Акцияға студенттер белсенді қатысып жатыр. Қаланың тазалығы әрқайсымыздан басталады, ал тазалықты сақтау – бәріміздің ортақ жауапкершілігімізде. Бұл өскелең ұрпаққа үлгі болады. Бұл бастама қоршаған ортаны қорғауға ұжымдық қатысудың маңыздылығын көрсетеді. Мұндай іс-шаралар біздің экологиямыздың жай-күйін жақсартуға көбірек адамдарды белсенді қатысуға ынталандырады деп үміттенемін», - деді елордалық мәслихат депутаты Ғабит Тәжімұратов.

«Біз студенттер қоршаған ортаны жақсартуға үлес қоса алатынымызды мақтан тұтамыз. Біздің белсенділігіміз басқаларды да осындай бастамаларға қызықтырады деп үміттенемін. Астанада экоакция басталғаннан бері қалмай қатысып жүрміз», - деді елордалық колледж студенті Алиман Нұрисламов.

Астанада экоакция жалғасып жатыр.

Естеріңізге сала кетейік, ауқымды экоакция аясында қаланы санитарлық тазарту, нөсер және арық канализациясы, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жұмыстары жүргізіледі.

Сондай-ақ, жасыл желектерді күтіп-ұстау және отырғызу, сауда объектілеріне іргелес аумақтарды жинау, көгалдар мен гүлзарлар орнату, рұқсат етілмеген полигондарды жою және т. б. жұмыстар жүргізіліп жатыр.

Серіктес жаңалықтары