Танымал блогер Дархан Жолшыбеков алимент төлемеу үшін өзінің табысын анағұрлым азайтып көрсеткен, деп хабарлайды Ulysmedia.kz.
Жолшыбеков пен Сапарбекова
Алматыдағы кәмелетке толмағандар жөніндегі мамандандырылған ауданаралық соты белгілі қазақстандық блогер Дархан Жолшыбековтің бұрынғы қызы Айдана Сапарбекованың талабын қарады. Екі азаматтың ортақ баласы болғанына қарамастан олар заңды некеде болмаған.
Алмент 20 000 теңге
Айдананың сөзінше Дархан Жолшыбековтің атақ-даңқы мен елеулі табысына қарамастан, бар болғаны 20 000 теңге көлемінде алимент төлеп келген. Блогердің Instagram парақшасында 3,2 миллион жазылушысы бар екендегін алға тартқан Сапарбекова Жолшыбековтің анағұрлым көп табыс табатынын дәлелдеді.
"Бұған дейін сот шешімімен оның әкелігі белгіленіп, оның табысы мен өзге де табысының төрттен бір бөлігі мөлшерінде алимент өндірілді. Алайда ол тек 70 000 теңге жалақы туралы анықтама берген. Сонымен қатар, банк есептері оның үлкен соммада сауда жасайтынын және шетелге жиі саяхаттайтынын көрсетті", - деп хабарлады сотта.
ҚР "Неке және отбасы туралы" Кодексінің 141-бабына сәйкес, егер ата-ананың табысына үлестік қатынаста алимент өндіріп алу мүмкін болмаса, сот олардың мөлшерін нақты ақшалай сомада анықтай алады. Сот мұндай шаралар ата-ананың табысы тұрақты емес немесе өзгерген жағдайларда, сондай-ақ табыстың ішінара немесе толық заттай алынуы кезінде қолданылатынын атап өтті.
"Сотталушының айтарлықтай кірісі бар екенін ескере отырып, сот одан 30 АЕК мөлшерінде алимент өндіріп алуға шешім қабылдады", — деп түсіндірді сот.
Сот шешімі әлі заңды күшіне енген жоқ.
