Ауыр атлет Аянат Жұмағали Перуде өткен жасөспірімдер арасындағы әлем чемпионатында жеңіске жетті, деп хабарлайды Ulys Sport.
Ұлттық Олимпиада комитеті Қазақстанның ауыр атлетика командасы Лимадағы ауыр атлетикадан жасөспірімдер арасындағы әлем чемпионатында екінші алтын медаль жеңіп алғанын хабарлады.
– Жеңген Аянат Жұмағали болды. Ол 76 келіге дейінгі бірінші санатта топ жарды, - делінген хабарламада.
Жас спортшының қорытынды нәтижесі 222 (97+125) килограмды құрады.
Бұған дейін Нұрдос Сабыр да алтын медаль, ал Ақжол Құрманбек күміс медальді жеңіп алған болатын. Сондай-ақ, Сәния Орманбаева жеңіп қола медальді еншілеген.
Еске сала кетейік, 25 мамырда қазақстандық ауыр атлет Анна Нұрмұхамбетова 12 жылдан кейін 2012 жылғы Олимпиада ойындарының күміс медалін алған болатын.
