Еңбек және халықты әлеуметтік қорғау министрлігі Еңбек және әлеуметтік қорғау комитетінің төрағасы Төлеген Оспанқұловтың айтуынша,былтыр елімізде 45 жұмысшы жазатайым көз жұмған. Биыл мамырда оның саны 59-ға жеткен екен, деп хабарлайды Ulysmedia.kz.
Не болды
Биыл 1 мамырдағы мәлімет бойынша ел аумағында 59 адам қайтыс болды. Былтыр бұл көрсеткіш 45 болатын. Бүгінгі айтылып отырған еңбек қауіпсіздігі тұжырымдамасы өз нәтижесін береді деп ойлаймын, - деді Төлеген Оспанқұлов елордада өткен "Еңбекті қорғау және өнеркәсіптік қауіпсіздік" атты халықаралық конференция барысында БАҚ өкілдерінің сауалына жауап бере отырып.
Мекемелердің 62%-ы жұмысшылардың өмірін сақтандырған
Сондай-ақ комитет төрағасы жұмысшылардың өмірін сақтандыру туралы айтты.
Бүгінде мекемелердің 62%-ы жұмысшылардың өмірін сақтандырған. Қазір елімізде 7 сақтандыру компаниясы бар, біз олардың жұмысына мониторинг жүргізіп отырмыз. Министрлік 2024-2030 жылдарға арналған еңбек нарығы тұжырымдамасын әзірледі, соның ішіндегі жаңашылдықтардың бірі – міндетті сақтандыру, - дейді ол.
