Бұған дейін әйелін ұрды деп айыпталған Атырау облысы, Мақат аудананың әкімі қызметінен кетті, деп хабарлайды Ulysmedia.kz "Ақжайық" газетіне сілтеме жасап.
Ринат Ибрагимовтың не себепті жұмыстан кеткені белгісіз. Бұл отбасындағы соңғы жағдайларға байланысты ма, ол жағы жұмбақ.
Белгілісі оның қызметінен кеткені. Қазіргі кезде оның міндетін аудан әкімінің орынбасары Бекәділ Жайкин атқарып жүргенін жазды басылым.
Әйелдің жанайқайы
Атырау облысындағы аудан әкімінің бұрынғы әйелі қорлық көріп, азапталғанын мәлімдеген еді.
Атырау облысы Мақат ауданы әкімінің бұрынғы әйелінің желіде бейнеөтініші пайда болды. Оның айтуынша, әкіммен некелескен 11 жылда ол қорлық көріп, азаптауға ұшыраған. Әйел өзінің бұрынғы жұбайы бұрын кәсіби спортшы болғанын, ал қазір аудан әкімі қызметін атқаратынын айтты.
– Ринат Ибрагимов жүйелі түрде, бірнеше рет, 11 жыл ішінде балаларымның көзінше мені ұрып-соғып, азаптады. 2021 жылы түнгі сағат төртте мас күйінде келіп, мені ұрып-соғып, балаларымның алдында бет-жүзімнен түк қалдырмады. Содан кейін мен жедел жәрдем, полиция шақыруға мәжбүр болдым, бірақ ол маған кейін жалынып, балаларым үшін кешіруімді өтінгендіктен, мен арыздан бас тартуға мәжбүр болдым, – дейді әйел.
Алайда 2023 жылдың мамырында осындай жағдай тағы қайталанған. Содан кейін әйелге омыртқаның сакрумының сынуы диагнозы қойылып, ол бір ай бойы жүре алмай қалған. Айтуынша, бұрынғы күйеуі балаларын одан алып кеткен.
Атырау облысы әкімдігі "Мақат ауданы әкімі бұрынғы әйелін 11 жыл бойы азаптады" деп тараған мәліметке түсініктеме берді.
Толығырақ
– Үмбетқалиева бұған дейін Атырау облысының әкімдігіне жүгінбегенін хабарлаймыз. Белгілі болған жағдайларға байланысты қызметтік тексеру тағайындалды, - деп хабарлады әкімдік.
Мақат ауданының әкімі Ринат Ибрагимов өзінің атына бұрынғы жұбайының жала жапқанын жеткізді.
