Қазақстандық продюсер әрі тележүргізуші Баян Алагөзова ар-намысы мен абыройын қорғау үшін сотқа жүгіну туралы шешім қабылдады. Бұл туралы адвокат Олег Чернов айтты, деп хабарлайды Ulysmedia.kz.
Адвокаттың айтқаны
Біздің команда Баян Алагөзованың мүддесін екі іс бойынша қорғайды: қорлау фактісі бойынша және ар-намыс, қадір-қасиет пен іскерлік беделді қорғау бойынша. Баян заң бойынша әрекет етуге шешім қабылдады, – деп жазды ол өзінің Instagram парақшасында.
Кіммен соттасады
Алайда Алагөзованың нақты кіммен соттасуға шешім қабылдағаны әзірге белгісіз. Кейбір пікір жазушылар бұл продюсердің әлеуметтік жобасын сынаған блогер болуы мүмкін деп болжап отыр.
Еске салсақ, бұған дейін продюсердің зорлық-зомбылық көрген әйелдер мен балаларға арналған орталық ашып жатқанын хабарлаған болатынбыз.
