Егер ел билігі қазіргі саясатын өзгертпесе, Еуропалық Одақ Грузияны қолдауды тоқтатуы мүмкін, деп хабарлайды Ulysmedia.kz.
Бұл туралы ЕО-ның Сыртқы істер және қауіпсіздік саясаты жөніндегі Жоғары өкілі Жозеп Боррел Еуропалық сыртқы істер министрлерімен "шетелдік агенттер"туралы заңға ықтимал жауаптарды талқылау кезінде мәлімдеді.
"Егер Үкімет сол жолмен жүре берсе, не істеп жатқанын жалғастыра берсе, бұл есік жабылады. Бұл қадам еуропалық перспективаның төмендеуіне немесе тіпті жойылуына әсер етеді", - деп атап өтті Боррель.
Ол бүгін Тбилисиге қатысты нақты шешімдер күтуге болмайды деп қосты. Алайда, ЕО еуропалық бейбітшілік қоры арқылы қолдауды тоқтата алады немесе жоғары деңгейдегі саяси байланыстарды тоқтата алады, сондай-ақ Грузия үкіметін қаржыландыруды тоқтата алады.
Бұған дейін
Грузин оппозициясы Ресейдің "иноагенттер" туралы Заңынан калька деп атайтын заң күшіне енді. Сейсенбі, 4 маусымда құжат "Заң шығарушы газетте"жарияланды.
Осы күннен бастап Грузияның Әділет министрлігі 60 күн ішінде барлық нормативтік актілерді әзірлеп, электрондық портал құруы керек, онда шетелдік көздерден қаржыландырудың 20 пайыздан астамын алатын үкіметтік емес ұйымдар шетелдік күштің мүдделерін жүзеге асыратын ұйым ретінде тіркелуге және 2023 жылғы қаржыны декларациялауға міндетті болады.
Грузия оппозициясы Еуропа елдерін "шетел агенті" туралы заңды қабылдағандарға санкция салуға шақырған.
Олар Грузиядағы "адам құқығы мен демократиялық процестердің өрескел бұзылу жайттарына келгенде қатаң позиция ұстануға" үндеген. Мәлімдеме авторларының айтуынша, 1 маусымға қараған түні 60 шақты адам "Біртұтас ұлттық қозғалысының" орталық кеңсесіне шабуылдаған. Күштік құрылымдар оқиғаға кеш реакция білдірген. Бұл Грузиядағы азаматтық және саяси белсенділердің қауіпсіздігіне ірі қатер төніп тұрғандығынан хабар береді дейді олар.
