Ведомствоның хабарлауынша, еңбек заңнамасының талаптарына қарамастан, облыстың балабақшаларында бұрын қасақана жасаған қылмыстары үшін жауапкершілікке тартылған 11 адам жұмыс істеген.
Сондай-ақ, инфрақұрылым кемшіліктеріне ерекше назар аударылды:
- Сарқан, Қаратал және Панфилов аудандарындағы 12 балабақшаның маңында жаяу жүргіншілер өткелдері мен "Балалар" белгілері болмаған;
- Сарқан және Алакөл аудандарындағы екі балабақшаның аумағы толық қоршалмаған, бұл бөгде адамдардың аумаққа кедергісіз кіруіне мүмкіндік берген;
- Панфилов ауданындағы 55 жеке балабақшада "шұғыл шақыру түймесі" жүйелері болмаған;
- 40 балабақшада өрт қауіпсіздігін хабарлау жүйелері жұмыс істемеген, ал екі балабақшада мүлдем болмаған;
- Алакөл, Ескелді және Сарқан аудандарындағы жеті балабақшада бейнебақылау камераларының көпшілігі жұмыс істемеген;
- Көксу, Сарқан аудандары мен Текелі қаласындағы 9 балабақша мерзімі өткен санитарлық қорытындылар негізінде жұмыс істеген. Ал кейбір жағдайларда мерзімі өткен дәрі-дәрмектер сақталған;
- Ақсу ауданындағы 8 балабақшадан ішек таяқшалары табылған.
