Израиль әскерлері Рамалладағы (Палестина қаласы) Al Jazeerа кеңсесін басып алып, кеңсені 45 күнге жабуды бұйырған, деп хабарлайды Ulysmedia.kz.
ӘСКЕРИЛЕР СЕБЕБІН АЙТПАҒАН
Телеарна мәліметінше, қарулы, бетперде киген израильдік сарбаздар Al Jazeerа кеңсесі орналасқан ғимаратқа басып кіріп, жексенбі күні таңертең желінің Батыс жағалауындағы бюро басшысы Валид әл-Омариге 45 күнге жабу туралы бұйрық берген.
Израиль әскерилері бұл шешімнің себебін айтпаған.
«ТАҢҒАЛАЛАРЛЫҚ ЖАҒДАЙ ЕМЕС»
Рамалладан телефон арқылы сөйлескен Al Jazeerа қызметкері Нида Ибрагим Израильдегі репортажға тыйым салынғаннан кейін Батыс жағалаудағы рейд пен жабу туралы бұйрық «таңғаларлық жағдай емес» екенін айтты.
Біз Израиль шенеуніктерінің бюроны жабамыз деп қорқытқанын естідік. Біз үкіметтің осыны талқылап, басып алынған Батыс жағалау әскери билеушісінен арнаны жауып тастауды сұрағанын естідік. Бірақ біз бұл бүгін болады деп күтпеген едік, - дейді Нида Ибрагим.
Еске салсақ, Израиль Бейрутқа соққы беріп, салдарынан 12 адам қаза тапқан болатын.
